اوپن یونیورسٹی نے داخلوں کی تاریخ میں توسیع کردی نئے طلبہ لیٹ فیس چارجز کے ساتھ 8نومبرتک داخلہ لے سکتے ہیں، جاری طلبہ 15نومبر تک انرولمنٹ کرسکیں گے۔سید ضیاء الحسنین
اسلام آباد 18۔اکتوبر( )علامہ اقبال اوپن یونیورسٹی نے سمسٹر خزاں 2022ء کے دوسرے مرحلے میں پیش کئے گئے اے ڈی ای، بی ایڈ، بی ایس(او ڈی ایل)بی اے(ایسوسی ایٹ ڈگری)، بی بی اے، ڈپلومہ پروگرامز،ر پوسٹ گریجویٹ پروگراموں اور سرٹیفکیٹ کورسز کے داخلوں کی تاریخ میں توسیع کردی ہے۔ڈائریکٹر شعبہ داخلہ، سید ضیاء الحسنین نقوی کے مطابق نئے طلبہ لیٹ فیس چارجز کے ساتھ 8نومبر تک داخلہ لے سکتے ہیں جبکہ پہلے سے داخل طلبہ(جاری طلبہ) 15۔نومبر تک انٹرولمنٹ کرسکیں گے۔انہوں نے مزید کہا ہے کہ داخلوں کی تاریخ میں توسیع کا مقصد داخلے کے خواہشمند طلبہ کو ایک اور موقع فراہم کرنا ہے، انہوں نے کہا کہ یونیورسٹی کی کوشش ہے کہ حصول علم کا خواہشمند ایک بھی فرد محروم نہ رہ جائے۔ تمام پروگراموں کے داخلہ فارم اور پراسپکٹس یونیورسٹی کی ویب سائٹ( www.aiou.edu.pk )پر دستیاب ہیں۔داخلہ فارم آن لائن موڈ کے تحت بھی جمع کیا جاسکتا ہے۔
